AAYDA, 19 saylı Xüsusi Təyinatlı Yol İstismarı MMC Şamaxı rayonunun bir-çox kəndlərinə gedən yollarda qardan və buzdan təmizləmə işləri aparıb.

Azadmedia.az xəbər verir ki, Azərbaycan Avtomobil Yolları Dövlət Agentliyinin (AAYDA) nəzdində olan 19 saylı Xüsusi Təyinatlı Yol İstismarı MMC-nin rəhbərliyi yolların qardan təmizlənməsi prosesini hər zamankı kimi diqqətdə saxlayır.

Belə ki, MMC-nin kollektivi bir neçə gündür qar yağması ilə əlaqədar olaraq gücləndirilmiş iş rejimində çalışmaqla bərabər, Şamaxı-Avaxıl kənd yollarını qardan və buzdan təmizlənməsi işlərini reallaşdırıb.

Yolun hərəkət hissəsi qardan təmizlənərək, duz-qum qarışığı səpilib.

Qeyd edək ki, Qarlı ve Şaxtalı hava şəraiti ilə əlaqədar olaraq Şamaxı rayonunun Avaxıl, Dəmirçi və digər kəndlərinə gedən avtomobil yollarında gecə boyu ve səhər saatlarında hərəkətin təhlükəsizliyi ve fasiləsizliyi istiqamətində gücləndirilmiş tədbirlər görülüb və davam edir.