Türkiyənin ən çətin məsələləri həll etmək üçün kompromis tapma iradəsini yüksək qiymətləndiririk.

Azadmedia.az xəbər verir ki, bunu Rusiya prezidentinin mətbuat katibi Dmitri Peskov deyib.

"Türkiyə Rusiya Federasiyasının çox vacib bir tərəfdaşıdır, Rusiyanın strateji tərəfdaşıdır. Biz, Türkiyənin ən çətin məsələlərdə kompromislər tapmaq iradəsini yüksək qiymətləndiririk", - Peskov əlavə edib.

O, iki ölkənin demək olar ki, bütün regional məsələlərdə, xüsusilə, Qarabağdakı Rusiya-Türkiyə Monitorinq Mərkəzinin işi ilə bağlı sıx əlaqədə olduqlarını deyib.

Ticarət və iqtisadi əlaqələrin geniş bir kompleksinin olduğunu da əlavə edən Peskov, bu əməkdaşlığı Rusiya ilə Türkiyə arasındakı münasibətlərin əsas təməli adlandırıb.