Milli Məclisin deputatı Məşhur Məmmədov Masallı Şəhər 70 saylı Seçki Dairəsində pandemiya qaydaları çərçivəsində seçicilərilə ənənəvi görüş keçirdi. Azadmedia.az-a daxil olan məlumata görə görüşdə Məşhur Məmmədovla yanaşı RİH müavini Aybəniz Qafarova və Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev də iştirak etdi. Dairədən verilən məlumata görə qəbula gələn seçicilərdən biri Şəhid qardaşı, üçü isə Qazi ailəsi idi. Seçicilər dinlənilib, təyinatı üzrə arzu və istəklərinə uyğun göstərişlər verilib. 12 seçicinin problemi yerindəcə həllini tapıb. Millət vəkili Məşhur Məmmədov gələcəkdə də onlayn görüşlərlə yanaşı, rayonda seçicilərlə görüşlərin sayının artırılmasını planlaşdırdığını söyləyib. Deputatları ilə görüşə gələn seçicilər onları səmimi qəbul edib dinlədiklərinə görə deputatlarına və dövlət rəsmilərinə təşəkkür ediblər.