Avropa Parlamenti Rusiyanın Beynəlxalq Banklararası Maliyyə Əməliyyatları Şəbəkəsindən (SWİFT) çıxarılması ilə bağlı çağırış edib.

“Qafqazinfo” “RİA Novosti”yə istinadən xəbər verir ki, Avropa Parlamentində hazırlanan qətnaməyə əsasən, Rusiya Ukraynaya qarşı aqressiyanı davam etdirəcəyi təqdirdə SWİFT-dən çıxarılacaq.

“Avropa İttifaqı bu cür hərəkətin baha başa gələcəyini göstərməlidir. Aqressiya halında Rusiyadan neft və qaz nəqli dərhal dayandırılmalı, SWİFT-dən ayrılmalı, rusiyalı oliqarxların, onların ailə üzvlərinin Aİ-dəki bütün hesabları dondurulmalı, vizalar ləğv eidlməlidir”, - deyə qətnamə layihəsində deyilir.

Layihə sabah AP-nin plenar iclasın nəticələrinə əsasən qəbul ediləcək.