Azadmedia.az - 24 yanvar 2023-cü il tarixdə Yeni Azərbaycan Partiyası Masallı rayon təşkilatı aparatında ərazi partiya təşkilat sədrlərinin iştirakı ilə 2022-ci ilin yekunu və 2023-cü ildə qarşıda duran vəzifələr ilə əlaqədar müşavirə keçirilib.

Müşavirədə Ulu öndər Heydər Əliyevin eləcədə Şəhidlərin əziz xatirəsi 1 dəqiqəlik sükutla yad edilmişdir.
Yeni Azərbaycan Partiyası Masallı rayon təşkilatının sədri Seyfəddin Əliyevin təşkilatın 2022-ci ildə gördüyü işlər barədə məruzəsi dinlənilib, qarşıda duran vəzifələr müzakirə edilib.

Müşavirədə Bədəlan ərazi partiya təşkilatının sədri Arif Mehtiyev, Ərkivan ərazi partiya təşkilatının sədri Əfrail Fərziyev, Təklə ərazi partiya təşkilatının sədri Elşən Bəşirzadə, Babaser ərazi partiya təşkilatının sədri Nərgiz Məmmədova, Masallı Dövlət Regional Kollec ərazi partiya təşkilatının sədri Vidadi Nəzərov və başqaları ərazi partiya təşkilatlarının 2022-ci ildə gördüyü işlər barədə məlumat veriblər.

Sonda partiya həyatında fəal iştirakına görə bir qrup ərazi partiya təşkilatının sədrləri rayon təşkilatının Fəxri Fərmanı və qiymətli hədiyyələri ilə təltif ediliblər.