Putin səssizliyini pozdu ... Rusiya liderindən flaş açıqlama! Ukraynadan çox sərt reaksiya!

On minlərlə insanın həyatına son qoyan müharibə tam sürətlə davam edərkən bütün gözlər Moskvadadır. Ukraynadakı müharibəyə səssizliyini pozan Rusiya prezidenti Putin flaş açıqlamalar verib. Ukrayna cəbhəsindən Putinə çox sərt bir cavab gəldi.

Dünyanın gözü və qulağı aylardır Ukraynadan gələn xəbərlərdədir. Ötən ilin fevralında Rusiya prezidenti Putinin göstərişi ilə başlayan müharibə tam sürətlə davam edir. Müharibə bir ili arxada qoymağa hazırlaşarkən bütün gözlər Moskvadadır.

Azadmedia.az xarici KİV-ə istinadən bildirir ki, paytaxt Moskvada parlament üzvləri və əsgərlər qarşısında çıxış edən Putin səssizliyini pozub.

Müharibədəki son vəziyyəti dəyərləndirən Rusiya lideri, "Donbass problemini həll etmək üçün hər şeyi etdik, lakin Qərb başqa ssenariyə hazır idi" dedi.

Kiyevin müharibədən əvvəl silah sövdələşmələri üçün Qərblə əlaqə saxladığını iddia edən Rusiya lideri hərbi əməliyyat çərçivəsindəki vəzifələrin mərhələ-mərhələ həll ediləcəyini bildirib.

Rusiyanın maraqlarını və mövqeyini qorumağa davam edəcəyini bəyan edən Putin, "ABŞ razılaşmalardan birtərəfli olaraq çıxdı" dedi.

"Müharibəyə onlar başladı və biz onu güclə dayandırmalı olduq" dedi. Qərb ölkələrinin Ukrayna münaqişəsini Rusiya ilə qlobal münaqişəyə çevirməyə çalışdıqlarını və Rusiyanın varlığının təhlükə altında olduğunu bildirən Putin, “Lokal münaqişəni qlobal münaqişəyə çevirməyi planlaşdırırlar, biz bunu belə anlayırıq və buna uyğun reaksiya verəcəyik”, dedi.

“Qərb cini şüşədən çıxarıb” deyən Putin, “İnsanların burada yaşadığı faciə onları maraqlandırmır. Onlar demokratiya pərdəsi adı altında özlərini ifadə etməyə çalışırlar və başqa dövlətlərə etiketlər yapışdırırlar”.

Qurbanların artmasına görə Kiyevin məsuliyyət daşıdığını iddia edən Putin, “Ukraynadakı vəziyyətə görə Qərb elitaları cavabdehdir” deyib.

Putin Qərbə Ukraynaya əlavə hərbi yardım göstərməmək barədə xəbərdarlıq edib və belə bir dəstəyin Moskvanın hərbi cavabını təmin edəcəyini bildirib. “Meydanda Rusiyaya qalib gəlmək mümkün deyil”, - deyə Putin bildirib. Rusiya lideri sözlərini belə davam etdirdi; “Ukraynaya nə qədər çox uzaqmənzilli silahlar göndərilsə, biz təhlükəni sərhədlərimizdən bir o qədər uzaqlaşdıracağıq”.

Qərbi dünya məsələlərində “məhdud güc” əldə etməkdə ittiham edən Putin, “Qərb Ukraynadan Rusiyaya qarşı kozır kimi istifadə edir” deyib.

Ülkər Piriyeva