“Heydər Əliyev İli” çərçivəsində Neftçala rayon Heydər Əliyev Mərkəzində “Heydər Əliyev irsi: milli dövlətçilik və müasirlik” adlı elmi-praktiki konfrans keçirilib.

Azadmedia.az xəbər verir ki, tədbirdə rayonun ziyalıları, müəllimlər, mədəniyyət işçiləri, gənclər iştirak ediblər.

Konfransda Dövlət Himni səsləndirilib, Ulu Öndər Heydər Əliyevin və şəhidlərin əziz xatirəsi anılıb.
Mərkəzin direktoru Könül Məmmədova çıxış edərək, böyük və ibrətamiz həyat yaşamış Ümummilli Lider Heydər Əliyevin təməlini qoyduğu siyasi kursun, strateji inkişaf xəttinin Azərbaycan xalqının xoşbəxt gələcəyinə hesablandığını bildirib.
Təhsil İnstitutunun Təhsilin nəzəriyyəsi və tarix şöbəsinin müdiri, pedaqogika elmləri doktoru, professor İntiqam Cəbrayılov “Heydər Əliyev və Azərbaycan tarixinin aktual problemləri” mövzusunda, Dövlət İdarəçilik Akademiyasının dosenti, siyasi elmlər üzrə fəlsəfə doktoru Cahangir Cahangirli “Heydər Əliyev və azərbaycançılıq məfkurəsi”, Şərqşünaslıq İnstitutunun Din və ictimai fikir şöbəsinin müdiri, fəlsəfə üzrə fəlsəfə doktoru Elnur Mustafayev “Heydər Əliyev və milli-mənəvi dəyərlərimiz” və həmin institutun aparıcı elmi işçisi, tarix üzrə fəlsəfə doktoru, dosent Sübhan Talıblı “Heydər Əliyev və Azərbaycan diplomatiyası” mövzusunda çıxış ediblər.
Elmi-praktik konfrans müzakirələrlə yekunlaşıb.