Bakı, 7 mart - Azadmedia.az
ABŞ Ətraf Mühitin Mühafizəsi Agentliyi fevralın 3-də Ohayo ştatında zəhərli kimyəvi maddələr daşıyan qatarın relsdən çıxaraq ekoloji fəlakətə səbəb olduğu qəzadan sonra təmizlik işlərinin davam etdiyini bildirib və müvəqqəti olaraq bölgədən köçmək istəyənlərin xərclərini açıqlayıb.

EPA-nın verdiyi açıqlamada qatar qəzasından sonra ətrafa yayılan kimyəvi maddələrin təmizlənməsinin davam etdiyi və bölgə sakinlərinin bu prosesdə bəzi qoxular hiss edə biləcəyi bildirilib.

Açıqlamada bildirilib ki, qəzaya səbəb olan qatar şirkəti Norfolk Southern, tələb əsasında bölgədən müvəqqəti köçmək istəyən Şərqi Fələstin sakinlərinin bütün xərclərini qarşılamağa razılaşıb.

Qəzanın Pensilvaniya sərhədinə yaxın olması səbəbindən şirkətlə müqaviləyə təxminən 2 kilometr məsafədə yaşayan bu ştatın sakinlərinin daxil olduğu bildirilir.

Qəzadan sonra kimyəvi maddələr ətrafa yayılaraq ekoloji fəlakətə səbəb olub və zəhərli kimyəvi maddələrin çox olması səbəbindən sakinlərin təxliyyəsinə qərar verilib.

Qəzadan 3 gün sonra evlərinə qayıdan məhəllə sakinləri baş ağrısı, göz yanması, öskürək və halsızlıqdan şikayət edib, ətrafdakı heyvanların tələf olması xəbərləri də mətbuatda yer alıb.

Qəzada iştirak edən qatar şirkəti Norfolk Southern ərazini ekoloji cəhətdən təmiz şəkildə təmizlədiklərini və qəza nəticəsində yaranan itkilər üçün yerli əhaliyə maddi yardım etdiklərini açıqlayıb.

Digər tərəfdən, martın 4-də Ohayo ştatının Springfild şəhərində eyni şirkətə məxsus başqa bir yük qatarı qəzaya uğrayıb.

20 vaqonun relsdən çıxdığı ikinci qəzada ölən və yaralanan olmasa da, təhlükəli maddə sızmasının olmadığı bildirilib və sakinlərə yalnız ehtiyat məqsədi ilə təhlükəsiz ərazidə qalmaları tövsiyə edilib.

Ülkər Piriyeva