“Martın 31-də Azərbaycan türklərinə qarşı qəsdən soyqırımı törədilib.” Bunu Berkin Müdafiə Sənayesi Mühəndisliyi İdarə Heyətinin sədri Yücel Atalay Azadmedia.az-a açıqlamasında “31 Mart Soyqırımı”nın ildönümü ilə bağlı Azərbaycan xalqına baş sağlığı verərkən bildirib.


Berkin başqanı Yücel Atalay bildirib ki, “1918-ci il martın 31-də Bakıda Azərbaycan türklərinə qarşı məqsədyönlü şəkildə həyata keçirilən etnik təmizləmə aktlarının soyqırımı olduğu şübhəsizdir. Bəli, Martın 31-də Azərbaycan türklərinə qarşı qəsdən soyqırımı törədilib.”



Berkin başqanı vurğulayıb ki, “1918-ci il martın 31-də ermənilər ətraf şəhərlərdə, xüsusilə Bakıda on minlərlə Azərbaycan türkünü qətlə yetiriblər. Ulu Öndər Heydər Əliyevin səyi nəticəsində yenidən açılmış dosyelər obyektiv araşdırıldı və həmin tarixdə Bakıda Azərbaycan türklərinə qarşı məqsədyönlü şəkildə etnik təmizləmənin soyqırımı olduğuna dair bütün şübhələr ortadan qalxdı. Belə ki, Sovet dövründə gündəmə gətirilməsinə icazə verilməyən bu hadisə, Azərbaycan müstəqilliyini əldə etdikdən sonra ölkə ictimaiyyətinə və dünyaya tanıtıldı. Mən də öz növbəmdə, Türkiyə Cumhuriyyəti vətəndaşı olaraq 31 martı ermənilərin Azərbaycan türklərinə qarşı törətdiyi soyqırımı kimi anır və qardaş Azərbaycan xalqına baş sağlığı verirəm”.