Bakı, 4 Aprel — Azadmedia.az.


Bitki Mühafizə və Texniki Bitkilər Elmi-Tədqiqat İnstitutunda “Ümummilli lider Heydər Əliyev İli” çərçivəsində “Azərbaycanın müxtəlif bölgələrində becərilən meyvə bitkilərinin zərərverən orqanizmləri ilə mübarizə işlərinin təkmilləşdirilməsi” mövzusunda tədbir reallaşdırılıb.

ETİ-dən Azadmedia.az-a verilən məlumata görə,
Bitki mühafizə və Texniki bitkilər Elmi-Tədqiqat İnstitutunda elmi-praktiki konfrans keçirilib.

Belə ki, Bitki mühafizə və Texniki bitkilər ETİ-da meyvə bitkilərinin zərərverən orqanizmləri ilə mübarizə işlərinin təkmilləşdirilməsinə dair elmi-praktiki konfrans baş tutub.

Konfransda Kənd Təsərrüfatı nazirliyinin şöbə müdiri İmran Cümşüdov, AXA nümayəndəsi, Bitki mühafizə və Texniki bitkilər Elmi-Tədqiqat İnstitutunun rəhbəri Prof. İbrahim Cəfərov, elmi tədqiqat institutlarının əməkdaşları, ADAU- nun bir qrup müəllimləri, Türkiyənin Ege universitetinin akademik heyəti, DAİM sədrlərinin bir qrupu, fermerlər və başqaları iştirak ediblər.

İnstitutun direktoru, professor İbrahim Cəfərov çıxışında qeyd edib ki, meyvəçilik Azərbaycanın aqrar iqtisadiyyatının mühüm tərkib hissəsidir. Beynəlxalq təcrübədə eyni təbii və iqtisadi şəraitə malik olan müxtəlif ölkələrin kənd təsərrüfatında məhsuldarlığın aşağı, yaxud yüksək olması həmin ölkələrin aqrar siyasətinin nə dərəcədə effektiv olduğunu göstərir. Ümummilli Lider Heydər Əliyevin ölkəmizdə bu sahənin inkişafında çox böyük xidmətləri olub. O, dövlət müstəqilliyi dövründə Azərbaycan Respublikasının aqrar sahəsinin inkişaf modelini qurub, onun layiqli davamçısı Prezident İlham Əliyev isə bu sahənin inkişaf strategiyasını müəyyənləşdirib və hazırda uğurla həyata keçirir.
Bildirilib ki, son illərdə respublikamızda kənd təsərrüfatının əksər sahələri kimi, meyvəçiliyin inkişaf etdirilməsi də qarşıda duran əsas vəzifələrdəndir. Aqrar sahə ilə bağlı qəbul olunan dövlət proqramlarında meyvəçiliyin inkişaf etdirilməsinə xüsusi diqqət yetirilir.

Konfransda bir-birindən maraqlı məruzələr dinlənilib, disskusiyalar aparılıb.