Ukrayna Silahlı Qüvvələrinin hərbçiləri beş istiqamətdə rus işğalçılarının hücumlarını dəf edib və yeni mövqelərdə möhkəmləniblər.

Azadmedia.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Belə ki, “Düşmən əsas səylərini Liman, Baxmut, Avdeyevski və Maryinka istiqamətlərində cəmləməyə davam edib, gün ərzində 30-a yaxın toqquşma baş verib", - deyə məlumatda bildirilib.

Həmçinin, Liman istiqamətində ruslar hücum əməliyyatları zamanı Ukrayna qoşunlarını Luqansk vilayətinin Novoqorovka bölgəsindəki mövqelərindən sıxışdırıb çıxarmağa çalışsa da, buna nail ola bilməyib.

Qeyd edək ki, Baxmut istiqamətində ukraynalı hərbçilər Donetsk vilayətinin Berxovka və Boqdanovkanın cənubundakı ərazilərdə düşmənin hücumlarını uğurla dəf ediblər.