Rusiyanın üç qırıcı təyyarəsi çərşənbə günü ABŞ-ın Suriyada İslam Dövləti qruplaşmasının hədəflərinə qarşı missiyada iştirak edən üç pilotsuz təyyarəsini təqib edib.

Azadmedia.az xarici KİV-ə istinadən xəbər verir ki, ABŞ-ın Yaxın Şərqdəki 9-cu Hərbi Hava Qüvvələrinin komandanı, general-leytenant Aleks Qrinkeviç bildirib ki, Rusiya təyyarələri ABŞ pilotsuz təyyarələrinin qarşısına paraşütlərə bərkidilmiş məşəllər atıb və bu, pilotsuz təyyarələri geri çəkilmək məcburiyyətində qoyub.

Belə ki, Qrinkeviç, həmçinin bildirib ki, rusiyalı pilotlardan biri pilotsuz təyyarənin qarşısında manevr edib və təyyarənin yanma qurğularını işə salıb ki, bu da pilotsuz uçuş aparatı operatorunun təyyarəni təhlükəsiz idarə etmək qabiliyyətinə təsir edib.

Qeyd edək ki, "Biz Suriyadakı Rusiya qüvvələrini bu ehtiyatsız davranışa son qoymağa və peşəkar hava qüvvələrindən gözlənilən davranış standartlarına riayət etməyə çağırırıq ki, diqqətimizi İŞİD-in davamlı məğlubiyyətinə qaytara bilək" - deyə, Qrinkeviç bildirib.