AB Türkiyənin üzvlük prosesini irəli aparmaq üçün heç bir addım atmaq niyyətində olmadığını gizlətmir, indi hər şey Ankaranın siyasətindən asılıdır.

Azadmedia.az xəbər verir ki, bu barədə Türkiyə KİV-i məlumat yayıb.

Qeyd edək ki, “Türkiyə AB üzvlüyünün strateji məqsəd olduğunu bəyan etməkdə davam etsə də, bu proses uzun illərdir ki, dalana dirənib, hətta danışıqlar faktiki olaraq dayanıb. Türkiyə Brüsseli irəliləyiş əldə etməyə sövq edə bilər. Ankaranın NATO-nun Vilnüs sammiti ərəfəsində verdiyi mesajlar Türkiyə ilə AB arasında uzun müddətdir “donan” münasibətlərin canlandırılması ilə bağlı müzakirələri gücləndirib. Bu müzakirənin hansı istiqamətdə inkişaf edəcəyi ilə bağlı ilk siqnallar cümə axşamı AB xarici işlər nazirlərinin görüşündə veriləcək”, - deyə məlumatda bildirilib.