Ukrayna Prezidenti Volodimir Zelenski və Avropa Komissiyasının rəhbəri Ursula fon der Lyayen Ukrayna qanunvericiliyinin Avropa İttifaqı qanunlarına uyğunluğunun qiymətləndirilməsi prosesinə başlamaq barədə razılığa gəliblər. Azadmedia.az xəbər verir ki, bu barədə Ukrayna prezidentinin ofisinin saytında yerləşdirilən məlumatda deyilir.

Belə ki, “Ukrayna dövlətinin başçısı və Avropa Komissiyasının rəhbəri Ukrayna qanunvericiliyinin yoxlanılmasına başlamaq barədə razılığa gəliblər ki, bu, Ukraynanın Avropa İttifaqına üzvlüyü ilə bağlı danışıqlara başlamaq üçün növbəti addımdır”, – deyə Zelenskinin ofisinin saytında yerləşdirilən yazıda bildirilib.