Sərhəddəki erməni birləşmələri Zəngilan rayonu istiqamətində Azərbaycan sərhəd qoşunlarının mövqelərini atəşə tutub, bir hərbçi yaralanaraq təxliyə edilib. Bu barədə Azərbaycan Dövlət Sərhəd Xidməti məlumat yayıb.

“Fevralın 12-də saat 13:37 radələrində Azərbaycan-Ermənistan şərti dövlət sərhədinin MR-nın Zəngilan rayonu ərazisindəki hissəsində Ermənistan silahlı qüvvələrinin bölmələri Qafan rayonunun Nərkin-And qəsəbəsi istiqamətində yerləşən mövqelərdən , Dövlət Sərhəd Xidmətinin Sərhəd Qoşunlarının Zəngilan rayonunun Kolluqışlaq kəndində yerləşən mövqelərini atəşə tutublar”, - deyə xidmətdən bildirilib.

Məlumata görə, təxribat nəticəsində Azərbaycan əsgəri sıravi Pərviz Xəlilzadə yaralanıb, daha sonra helikopterlə xüsusi təyinatlı tibb müəssisəsinə təxliyə edilib.