“CineMastercard” premium kinoteatrlar şəbəkəsində fevralın 20-dən BKM studio tərəfindən “Tur Rehberi” türk komediyasının nümayişi başlayır.

Azadmedia.az xəbər verir ki, filmin rejissoru Hakan Algüldür.

Filmdə rolları Cem Gelinoğlu, Alp Öyken, Atılgan Gümüş və balaca aktrisa Melisa Duru Ünal canlandırıb.

Ekran əsərinin süjet xətti tur bələdçisinin tur zamanı qrupunu həyatda saxlamaq üçün var gücü ilə mübarizə aparmasından bəhs edir.

Gənc tur bələdçisi Ercüment ölməyə and içmiş bir qrup yaşlı turistlə səyahətə çıxanda başına nə gələcəyini bilmir.

O, həyatının ən çətin səyahətinə çıxır.


Lakin heç də hər şey planlaşdırıldığı kimi getmir və gözlənilməz hadisələr baş verir…

“CineMastercard” hər zaman tamaşaçılara sürprizlər etmək və kino dünyasında olan ən son premyeralarla sevindirməyə hazırdır.