Xəbər verdiyimiz kimi, dünən müğənni Natavan Həbibi və reper Dado Əliyevin toyu baş tutub. Toyda şou-biznes nümayəndələrin yarıdan çoxu iştirak edib. İllərdi Natavanla yaxın rəfiqə olan Xuraman Şuşalı açıqlamasında Natavanın toyunda içki olduğu üçün iştirak etməyəcəyini demişdi. Amma toyda ən fəal iştirak edən elə Xuraman olub.

Məsələ ilə bağlı açıqlama verən müğənni Xuraman Şuşalı Natavanın ona görə məclisə içki vermədiyini bildirib: "Düzdür onlar içkili menyu seçmişdilər. Ödənişi də olunmuşdur. Toyun əvvəlində heç kəsə içki verilmədi. Hətta bəziləri buna etiraz da etdi. Natavan süfrəyə içki qoymadı. Sonradan kim istəyibsə, onlara içki verilib. Onlar da gizli içib. Natavan sırf mənə görə məclisə içki vermədi. Natavanın bu hərəkəti mən özümə qarşı böyük jest kimi qəbul edirəm. Bir daha qeyd edirəm ki, mən içki olan məclislərdə iştirak etmirəm”

Qeyd edək ki, Natavanın xınası elə toyda olub. Xına mərasiminin və sarayın bəzədilməsi Xuraman Şuşalıya həvalə olunub.