Braziliya polisi ölkənin yeni prezidenti Luiz İnasio Lula da Silvanın andiçmə mərasiminə bıçaq və partlayıcı qurğu ilə gizlicə girməyə cəhd edən naməlum şəxsi saxlayıb. Azadmedia.az xəbər verir ki, bu barədə “Reuters” Braziliya hərbi polis zabiti Ala Kapmoşa istinadən məlumat yayıb. Hadisə barədə Sky News də məlumat yayıb.
Polis hadisənin təfərrüatlarını açıqlamayıb. Naməlum şəxsin Rio-de-Janeyrodan gəldiyi bildirilir. İnauqurasiya mərasimində 300 minə yaxın insan iştirak edib.
Xatırladaq ki, Braziliyada prezident seçkiləri 2022-ci ilin oktyabrında keçirilib. Luiz İnasio Lula da Silva 50,9% səslə qalib gəlib.