“Azərbaycan Dəmir Yolları” (ADY) QSC-nin Kommunikasiya departamentinin rəhbəri vəzifəsindən nöqsanlara görə azad edilən Aybəniz Rafik qızı İsmayılovanın ADY-də və quruma yaxın idarələrdə hələ də çalışan ona yaxın əməkdaş var. Qohum və tanışların siyahısının bir qismi mətbuata məlum olub.

Pravda.az-ın əldə etdiyi məlumata görə, bu şəxslər qurumlarda yüksək vəzifə tuturlar. Bu qurumlar hamısı Rabitə və Yüksək Texnologoyalar Nazirliyinə tabedir.

Siyahını təqdim edirik:

1. Ceyhun Nağıyev – QSC-nin İnsan resursları departamentinin müdiri (əvvəllər “OBA” marketlər şəbəkəsində çalışıb),

2. Azər Fərəcov - Sərnişindaşıma departamentinin müdiri (“Atasığorta” ASC-də çalışıb, daha sonra kənarlaşdırılıb),

3. Emil İsmayılov - Sərnişindaşıma xidmətinin rəisi (Sığorta şirkətlərinin birində çalışıb),

4. Fərəh Mirili - PR Departmentinin baş mütəxəssisi, satınalma və tədbirlərin təşkilinə cavabdeh şəxs (Aybəniz İsmayılovanın nöqsanları əsasən F.Mirilinin sorğu-sual edilməsi əsasında üzə çıxıb),

5. Anar İmanverdiyev – Rəqəmsallaşma departamentinin müdir müavini (Ceyhun Nağıyevin kirvəsidir),

6. Daşqın Rəcəbli – Kommunikasiya departamentinin rəhbərinin müavini (Aybəniz İsmayılovanın dostu),

7. Nigar İzmayılova - Cüdo Federsiyasında sponsorluq layihələri üzrə müşavir.

8. Çinarə Balıyeva Bakı Metropolitenində mətbuat xidmətinə müavin gətirilib. Aybaniz İsmayılovanın rəfiqəsidir. Onu ADY,-ə gətirmək istəsə də daxili yoxlamadan keçə bilməyib, metroya işə düzəldib. Xatırladaq ki, Bakı metosunun yeni rəhbəri də ADY-dən gəlib.

Qeyd: Hazırda A.İsmayılovanın vəzifədə olduğu dövr üzrə yoxlamaların aparıldığı bildirilir.