Azərbaycan Texniki Universitetində (AzTU) ötən həftə 4 tələbənin (Nəqliyyat və logistika fakültəsi -1 tələbə, Xüsusi texnika və texnologiya fakültəsi - 1 tələbə, Maşınqayırma və robototexnika fakültəsi - 1 tələbə, İnformasiya və telekommunikasiya texnologiyaları fakültəsi - 1 tələbə) COVID-19 testi pozitiv çıxıb. Bu səbəbdən həmin tələbələrin təhsil aldığı qruplar distant tədrisə keçib. Bu barədə Azadmedia.az-a Universitetin İctimaiyyətlə əlaqələr şöbəsinin rəhbəri Sevinc İsgəndərova məlumat verib.
S. İsgəndərova qeyd edib ki, bundan əvvəl koronavirusa yoluxan 3 tələbə artıq sağalıb və onların qrupunda əyani tədris bərpa olunub.