Estoniya vətəndaşı hasarı aşaraq Rusiya sərhədini keçməyə cəhd edib
Estoniya vətəndaşı Vıru mahalında sərhəd hasarını aşaraq Rusiya istiqamətində hərəkət etməyə cəhd edib.

Məlumata görə, iyunun 3-də Estoniyanın sərhədçiləri sərhəd zolağında bir kişini müşahidə ediblər. Bir müddət sonra həmin şəxs sərhəd hasarını aşaraq Rusiya tərəfinə doğru hərəkət edib.

Hadisə ilə bağlı Estoniya sərhəd xidməti Rusiya sərhədçilərini məlumatlandırıb. Daha sonra Rusiya tərəfi şəxsin saxlanıldığını bildirib.
Məlum olub ki, saxlanılan şəxs Estoniya vətəndaşıdır. Hadisənin səbəbləri və digər təfərrüatlar barədə əlavə məlumat verilməyib.