Çin Ticarət Nazirliyi ABŞ-ın altı təşkilatına qarşı cavab tədbirlərinin tətbiq olunduğunu açıqlayıb. Bu barədə **Sinxua** agentliyi məlumat yayıb.

Nazirliyin bəyanatına görə, qərar çərşənbə günündən qüvvəyə minib və ABŞ-ın Çin şirkətlərinə "məcburi əmək" iddiaları əsasında tətbiq etdiyi sanksiyalara cavab olaraq qəbul edilib. Cavab tədbirləri tətbiq olunan qurumlar arasında **Applied DNA Sciences** şirkəti də yer alır.

Çin Ticarət Nazirliyi bildirib ki, ABŞ-ın bu addımları beynəlxalq hüququ və beynəlxalq münasibətlərin əsas normalarını ciddi şəkildə pozur, eyni zamanda Çinin suverenliyinə, təhlükəsizliyinə və inkişaf maraqlarına zərbə vurur.

Rəsmi Pekin vurğulayıb ki, ölkə öz qanuni hüquq və maraqlarını qorumaq üçün zəruri cavab tədbirlərini davam etdirəcək.