Xarici işlər naziri Hakan Fidan ilə Fransanın xarici işlər naziri Ketrin Kolonna arasında telefon danışığı olub.

Azadmedia.az xarici KİV-ə istinadla xəbər verir ki, Türkiyə Xarici İşlər nazirliyinin məlumatına görə, Hakan Fidan görüş zamanı Şimali Kıbrıs Türk Cümhuriyyəti (KKTC) hökumətinin “Pile-Yiğitler Yolu” layihəsi ilə bağlı Kolonnanı məlumatlandırıb.

Görüşdə Qara Dəniz Taxıl Təşəbbüsü də müzakirə olunub.

Qeyd edək ki, Şimali Kıbrıs Türk Cümhuriyyəti Xarici İşlər Nazirliyi "Pile-Yiğitler Yolu" layihəsinin KKTC-dən Birləşmiş Millətlər Təşkilatının (BMT) nəzarəti altında olan Yaşıl Xətt üzərindəki Pile kəndinə asan gediş-gəlişi təmin etmək üçün tamamilə humanitar səbəblərlə hazırlandığını açıqlayıb.