SEPAH-ın Hərbi Dəniz Qüvvələri Fars körfəzində neft daşıyan iki tankeri ələ keçirib.
Azadmedia.az xəbər verir ki, bu barədə “Tasnim” xəbər agentliyi məlumat yayıb.

Belə ki, tankerlərin 4,5 milyon litr qaçaq yanacaq daşıdığı iddia edilib.

SEPAH Hərbi Dəniz Qüvvələrinin beşinci bölməsinin komandiri admiral Əli Ozmayi bildirib ki, gəmilərin xarici vətəndaşlardan ibarət 34 ekipaj üzvü həbs edilib.

O, gəmilərin və ekipaj üzvlərinin hansı ölkəyə mənsub olduğu barədə açıqlama verməyib.