Azərbaycanın Xocalı rayonunun Əsgəran kəndində qala divarları yaxınlığında kütləvi məzarlıq aşkar edilib. İlkin olaraq 8 nəfərin qalıqları tapılıb. Qəbir yerində tapılan qalıqların yaxınlığında qazıntılar davam edir.
Əsir və itkin düşmüş, girov götürülmüş vətəndaşlarla əlaqədar Dövlət Komissiyası xarici KİV nümayəndələrinin iştirakı ilə əraziyə mediatur təşkil edib.
Qeyd edək ki, indiyədək Ağdam rayonunun Sarıcalı, Şuşa rayonunun Daşaltı, Xocavənd rayonunun Edilli, Xocalı rayonunun Fərrux kəndlərində kütləvi məzarlıqlar aşkar edilib. Füzuli rayonunun Yuxarı Seyidəhmədli kəndində, eləcə də Kəlbəcər, Ağdam və digər yaşayış məntəqələrində. Hazırda adı çəkilən kütləvi məzarlıqlarda 400-ə yaxın insan qalığı aşkar edilib.