Moskva ətrafında Balaşixada yataqxanada baş verən yanğında beş nəfər ölüb.

Azadmedia.az xəbər verir ki, bu barədə Rusiya Fövqəladə Hallar Nazirliyi məlumat yayıb.

Bildirilib ki, ikimərtəbəli, köhnə tikili olan yataqxanadan 8 nəfəri təxliyə ediblər.
Rusiya Fövqəladə Hallar Nazirliyinin Baş İdarəsinin mətbuat xidməti yanğın faktını təsdiqləyib. Qeyd edib ki, yanğın 40 kv.m ərazini əhatə edib. Yanğın söndürülüb.

Hadisə ikimərtəbəli, köhnə binada baş verib.

Operativ xidmətlərdən bildirilib ki, yanğına elektrik şəbəkəsinin qəzalı vəziyyətdə işləməsi səbəb olub. İlkin məlumata görə, binada miqrantlar yaşayırmış.