LADBible: Çin zooparkı insanlara ayı əvəzinə kostyumlu adam göstərmə iddiasını rədd edir

LADBible yazır ki, Çində zoopark ayı yerinə maskalı adam nümayiş etdirməkdə ittiham olunur. Administrasiya ittihamları rədd edir və heyvanın gerçək olduğuna əmindir.

Azdmedia.az-ın məlumatına görə, hadisə Xançjou şəhərindəki zooparkda baş verib. Ayıya baxmağa gələn tamaşaçılar yırtıcı heyvanın yerinə kostyum geyinmiş adamla aldandıqlarını bildiriblər. Bundan əlavə, ziyarətçilər heyvanın, onların fikrincə, insanlara daha çox xas olan qəribə hərəkətlərinə diqqət çəkiblər.

Heyvanın görüntüləri sosial şəbəkələrdə yayılmağa başlayandan sonra zooparkın nümayəndələri bəyanat yayaraq, bağçada günəş ayısının olduğunu iddia ediblər. Bu növün nümayəndələri bədən və üzün özünəməxsus quruluşuna malikdir, bu da onları kukla kimi göstərir.

“İnsan ayı kostyumu geyinsə, istidən bir neçə dəqiqə ərzində yıxılacaq”, - deyə müəssisənin əməkdaşları əlavə ediblər.