Tohoku Universitetinin yapon alimləri psevdoqravitasiyanın təsiri ilə işığı qara dəliklər kimi əymək qabiliyyətinə malik yeni kristallar hazırlayıblar. Tədqiqat Physical Review A (PRA) elmi jurnalında dərc olunub.

Nisbilik nəzəriyyəsinə görə, işıq və digər elektromaqnit dalğaları cazibə qüvvələrinin təsiri altındadır. Bu qravitasiya linzalanması adlanır və astronomlar tərəfindən kvazarları və digər kütləvi kosmik obyektləri öyrənmək üçün istifadə olunur. Laboratoriyada qravitasiya linzasını yenidən yaratmaq çox çətindir, lakin kristal strukturlardan istifadə edərək onun hərəkətini simulyasiya etmək mümkündür.

Alimlər iki və ya daha çox strukturdan ibarət fotonik kristallarla təcrübə aparmağa başladılar. Bu cür obyektlər onlardan keçən işığı ləngidə bilər. Komanda tədricən bu kristalları təhrif edərək kristal qəfəsini pozdu, sonra materialdan işıq şüalarını keçirdi və kənarlaşmaları izlədi.

İşığın bu cür manipulyasiyası 100 giqagersdən yuxarı diapazonda məlumat ötürülməsini tələb edəcək yeni nəsil kommunikasiya texnologiyalarını inkişaf etdirməyin potensial yollarından biridir. Müqayisə üçün qeyd edək ki, 5G texnologiyasının maksimum tezliyi 71 giqahers təşkil edir.