Danimarka Texniki Universitetinin alimləri insanın ömrünü 78%-ə qədər dəqiqliklə proqnozlaşdıra bilən alqoritm hazırlayıblar. Tədqiqatın nəticələri Nature Computational Science-da dərc edilib.

Alimlər yeni süni intellekt alqoritmini hazırlamaq üçün altı milyondan çox danimarkalının məlumatlarından istifadə ediblər. Məlumatların bəziləri müxtəlif arxivlərdən və tibbi qeydlərdən götürülüb. Tədqiqatçılar tədqiqatda iştirak etməyə razılıq verən könüllülərin səhhəti, doğum tarixi, yaşayış yeri, ailə vəziyyəti və peşələri haqqında da məlumat toplayıblar.

Sonra əldə edilən faktlar bu məlumatları təhlil edən, əlaqələr axtaran və əvvəlki təcrübəyə əsaslanaraq gələcək inkişafı proqnozlaşdırmağa çalışan maşın alqoritminə daxil edildi. Neyroşəbəkə insanların həyatları boyu maliyyə gəlirlərini və sağlamlıqlarını proqnozlaşdıra bilirdi. Bundan əlavə, alqoritm müəyyən bir zamanda bir insanın ölmə ehtimalını 78% dəqiqliklə qiymətləndirə bildi. Bunu tədqiqatda iştirak edən insanların sonrakı müşahidələri göstərdi.
Alimlər hesab edirlər ki, bu texnika insanların vaxtından əvvəl ölməsi riskini azaltmaq və sağlamlığın yaxşılaşdırılması üçün fərdi strategiyalar hazırlamaq üçün istifadə edilə bilər.