Çinli paleontoloqlar yeni növə aid ola biləcək yaşı 90 milyon ilə qədər olan dinozavr qalıqlarını aşkar ediblər. Bu barədə Sinxua agentliyi məlumat yayıb.

Təbaşir dövrünə aid edilən kəşf 2021-ci ildə şərqdəki Jiangxi əyalətinin Qanzhou şəhərində tikinti sahəsində edilib. Alimlər araşdırmalar zamanı qalıqların Titanozavrın yeni növünə aid olduğunu aşkar edib və ona Gandititan cavocaudatus adını veriblər. Ümumilikdə onun skeletindən sümüklərin təxminən 40%-i tapılıb.

Tapıntılar arasında, xüsusən də yaxşı qorunmuş onurğa sütunu var ki, bu da dinozavrın ümumi bədən uzunluğunun təxminən 14 m olduğunu göstərir.