"Əlillərə və Aztəminatlı Ailələrə İctimai Dəstək" Fondu “Ailələrdə Sənətkarlığın Təşviqi” layihəsinin icrasını başa vurub.

Fondun sədri Gülbəniz Bayramova QHT.az- a bildirib ki, Fondun təşkilatçılığı ilə “Ailələrdə Sənətkarlığın Təşviqi” layihəsinin icrasını uğurla başa vuran tələbələrə Sertifikatlar təqdim edilib: “Sertifikatların təqdim edilməsində layihə rəhbəri Bayramlı Aysel və mühasib İbrahimova Qətibə iştirak ediblər.

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə təşkil olunan layihənin əsas məqsədi sağlamlıq imkanları məhdud olan və aztəminatlı ailələrdən olan şəxslərin cəmiyyətdə müəyyən mövqe tutmasına dəstək olmaq, onların peşə əldə etməsinə və işsizlik məsələlərinin həll edilməsinə kömək etmək idi.