Bir qrup valideyn Ailə və Uşaqlara Sosial Dəstək İB-ə müraciət edərək Binəqədi rayonu Biləcəri ərazisində yerləşən 274 saylı uçaq bağçasına mərkəzi istilik verilmədiyini bildirib. Onlar həmçinin bildiriblər ki, direktor yeni dəyişib, gedən direktor sayğacı özü ilə aparıb. Ailə və Uşaqlara Sosial Dəstək İB Azadmedia az-ın media dəstəyi ilə məsələyə aydınlıq gətirmək üçün BŞTİ-yə sözügedən problemlə əlaqədar sorğu yollayıb. BŞTİ-dən sorğumuza cavab olaraq bildirilib ki, 274 saylı uşaq bağçasını istiliklə təmin edən qazanxananın qaz sayğacı dövlət yoxlamasından keçirilmək məqsədilə “Azəriqaz” İstehsalat Birliyinin əməkdaşları tərəfindən çıxarılıb.

Hazırda uşaq bağçasının istilik təminatı kondisoner və elektrik radiatorları vasitəsilə təmin edilir.

Məsələnin qısa zamanda həlli məqsədilə zəruri tədbirlər görülməkdədir. Mövzuya qayldacağıq.