25 iyun “Dənizçi Günü” ASCO-nun “Suraxanı” gəmi-muzeyində “Açıq qapı” günü olacaq.
ASCO-dan Azadmedia.az-a verilən məlumata görə həmin gün 15:00-da Xəzər dənizində yelkənli qayıqların yarışı da təşkil ediləcək. İzləyicilərin yarışı elə gəmi-muzeyin göyərtəsindən izləmək imkanı olacaq.
Əyləncə bununla bitməyəcək. Gəminin göyərtəsində keçiriləcək “Dənizçi yarmarkası”nda gəmiçiliyə aid maraqlı suvenir və əşyalar satışa çıxarılacaq.
“Dənizçi Günü” üçün muzeydə Dj-in iştirakı ilə musiqili şou proqram istirahətinizə rəng qatacaq.
Odur ki, fürsəti qaçırmayın, 25 iyun “Dənizçi Günü” gəmi-muzeyə baş çəkin.