İran oktyabrda Kazanda keçiriləcək BRİKS sammitində Rusiya ilə hərtərəfli strateji tərəfdaşlıq sazişi imzalamağa hazırdır.

Azadmedia.az xəbər verir ki, bu sözləri İranın yeni Prezidenti Məsud Pezeşkian Rusiya lideri Vladimir Putinlə telefon danışığında deyib.

Belə ki, “Biz dostumuz və qonşumuz olan Rusiya ilə münasibətlərə böyük əhəmiyyət veririk və şübhəsiz ki, bu əlaqələri gücləndirəcəyik”, - deyə siyasətçi əlavə edib.

Həmçinin Pezeşkian Putinlə söhbəti zamanı iki dövlət arasında BRİKS, Şanxay Əməkdaşlıq Təşkilatı (ŞƏT), Avrasiya İqtisadi İttifaqı (Aİİ) və beynəlxalq və regional təşkilatlar platformalarında əməkdaşlığın vacibliyini vurğulayıb. O qeyd edib ki, İranın yeni hökuməti mayın 19-da təyyarə qəzasında həlak olan Prezident İbrahim Rəisinin dövründə əldə olunmuş İran-Rusiya razılaşmalarını həyata keçirmək üçün bütün səylərini göstərəcək.