Nəhayət ki, yerindən duranın özünə jurnalist deməsinə son veriləcək. Onlara vahid tanınma vəsiqələri paylanacaq.
Medianın İnkişafı Agentliyinin (MEDİA) İcraçı direktoru Əhməd İsmayılov “Real TV”yə müsahibəsində bir çox məsələlərə aydınlıq gətirib.
Düşünürük ki, hazırda jurnalist olmaq üçün ali təhsil kifayətdir. Bizim təhlillərimiz onu göstərir ki, bu gün media nümayəndəsi olduğunu iddia edən hər bir şəxsin cibində jurnalist vəsiqəsi var, - deyən Ə.İsmayılov haqlı olaraq qeyd edib ki, jurnalistlərimiz və media subyektlərimiz bundan böyük bir narahatlıq keçirirlər.
"Jurnalist işləmədən cibində hər hansı bir vəsiqə gəzdirənlər, cəmiyyətimizin içərisində fəaliyyət göstərən insanlar da var. Amma indiki halda onların jurnalist olub-olmamasını müəyyən etmək mümkün deyil. Ona görə də jurnalistlərə vahid vəsiqənin verilməsi təklifləri ilə çıxış edə bilərik və “Media haqqında” yeni qanun layihəsinin hazırlanması prosesində bunu müzakirə edəcəyik”, - o bildirib.