AzadMedia
Telegram Facebook Twitter Youtube Instagram

Masallı voleybolçularının növbəti qələbəsi

  • + A
  • - A
  • 25-01-2022, 10:51

    Masallı voleybolçularının növbəti qələbəsi

    Kişi voleybolçular arasında 2021/22-ci il mövsümü üzrə Birinci Liqa yarışlarının üçüncü turu keçirilib.

    Azadmedia.az-ın cənub bürosunun məlumatına görə, Azərbaycan Voleybol Federasiyasının təşkilatçılığı ilə keçirilən yarışlarda rayonumuzu “Masallı” voleybol komandası təmsil edir.

    Növbəti turun oyunları “Murov” voleybol klubunun idman zalında keçirilib.

    “Masallı” voleybolçuları “Veteranlar” komandası ilə görüşdən qalib ayrılıblar.

    “Yeni həyat” qəzetinin əməkdaşı Akif Ağayev xəbər verir ki, dörd set davam edən matç “Masallı” komandasının üstünlüyü ilə başlayıb və onların 3:1 (25:19, 20:25, 25:19, 25:21) hesablı qələbəsi ilə başa çatıb. “Masallı” bu qələbən sonra xalların sayını 5-ə çatdırıb və qrupda ikinci pilləyə yüksəlib.

    Beləliklə masallıların mübarizə apardığı “B” qrupundakı turnir cədvəli belədir: “Azərbaycan Ali Hərbi Məktəbi” – 6 xal, “Masallı” – 5, “Ryuqa” – 4, “Veteranlar” – 3, “Aura” – 0.

    Qeyd edək ki, birincilikdə 10 klub - “Həvəskarlar”, “Murov”, “Əlincə”, “Veteranlar”, “Ryuqa”, “Aura”, “Taleh-A.T”, “Azərbaycan Ali Hərbi Məktəbi”, “Təhsil”, “Masallı” iki qrupda iki dövrədən ibarət olmaqla mübarizə aparır. Sonra pley-off mərhələsi keçiriləcək.

    Ülkər Piriyeva


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR