Xuzistan əyalətinin baş prokuroru Sadiq Cəfəri bugünkü açıqlamasında Abadanda 10 mərtəbəli Metropol binasının çökməsi ilə bağlı bir neçə dövlət məmurunun saxlanıldığını bildirib.

Bu barədə “Azad İran” Teleqram kanalı məlumat yayıb.

O qeyd edib ki, saxlanılan 10 nəfər arasında Abadanın hazırkı bələdiyyə başçısı və iki keçmiş bələdiyyə sədri də var.

Qeyd edək ki, mayın 23-də yerli vaxtla 12:30-da Abadanda 10 mərtəbəli bina çöküb. Hadisədə 8 nəfər ölüb, 32 nəfər yaralanıb. Onlarla insanın hələ də dağıntılar altında qaldığı bildirilir.