Karate üzrə Ölkə Birinciliyi və Çempionatı keçirilib.

Azadmedia.az xəbər verir ki, paytaxt Bakıda Azərbaycan Karate Federasiyaları Assosiasiyasının təşkilatçılığı ilə Karate ustalarının və digər karate üzrə idmançıların iştirakı ilə ənənəvi karate üzrə Ölkə Birinciliyi və Çempionatı baş tutub.

Belə ki, yarışın açılış mərasimində dövlət himni səslənib, şəhidlərin xatirəsi yad olunub.

Çempionatda Azərbaycan Karate Federasiyaları Assosiasiyasının prezidenti, deputat Ülvi Quliyev və AKFA-nın vitse-prezidenti Füzuli Musayev və digər qurum rəhbərləri iştirak ediblər.

Çempionat iştirakçılarını salamlayan AKFA-nın prezidenti, deputat Ülvi Quliyev idmanın əhəmiyyətindən danışaraq, çempionatı açıq elan edib və idmançılara uğurlar arzu edib.

Qeyd edək ki, sonda Azərbaycan Karate Federasiyaları Assosiasiyasının rəhbərliyi Ü. Quliyev qaliblərə medallar, fəxri diplomlar təqdim edib.