ABŞ prezidenti Co Baydenin ətrafı hesab edir ki, yıxılma riskini azaltmaq üçün onun daha rahat ayaqqabı geyinməsi lazımdır. Azadmedia.az xəbər verir ki, bu barədə “Politico” qəzeti yazır.
Nəşrin məlumatına görə, noyabrın 20-də 81 yaşı tamam olan Amerika liderinin yaşı hətta ailə üzvlərini də narahat edir.

Prezidentin ətrafındakılar Baydenin kameralar altında daha az hərəkət etməsinin mümkünlüyünü müzakirə ediblər. Bundan əlavə, Baydenin yerişinin "daha az sərt" görünməsi və "yıxılma riskinin" azaldılması üçün daha rahat ayaqqabı geyinməsi tələb olunacaq.

“Politico” yazıb ki, ABŞ prezidenti yıxılma ehtimalını azaltmaq üçün uçarkən getdikcə daha çox qısa qatlanan nərdivandan istifadə edir.

Sentyabrın sonunda Axios informasiya portalı yazıb ki, prezident sürüşməmək üçün daha tez-tez tennis ayaqqabısı geyinməyə başlayıb.