SPA: Səudiyyə Ərəbistanı Hərbi Hava Qüvvələrinə məxsus qırıcı təyyarə qəzaya uğrayıb

Səudiyyə Ərəbistanı Hərbi Hava Qüvvələrinə məxsus F-15SA qırıcı təyyarəsi ölkədə təlim uçuşu zamanı qəzaya uğrayıb, ekipaj üzvləri ölüb. Azadmedia.az xəbər verir ki, bu barədə SPA Müdafiə Nazirliyinin nümayəndəsi Turki əl-Malikiyə istinadən məlumat yayıb.

O qeyd edib ki, qəza Səudiyyə Ərəbistanının cənub-qərbindəki Xamis Muşayt bölgəsində Kral Xalid aviabazasının yaxınlığında təlim missiyası zamanı baş verib.

Bundan əvvəl Su-25-in Yeyskdə Azov dənizində çimərlik yaxınlığında qəzaya uğradığı məlum olub. Pilot havadan atılıb, o, sudan çıxarılaraq reanimasiyaya göndərilib. Bir sıra Telegram kanallarının məlumatına görə, baş leytenantı xilas etmək mümkün olmayıb. Krasnodar diyarının Yeysk rayonunun rəhbəri pilotun ölümünü təsdiqləyib. Cənub Hərbi Dairəsinin ilkin məlumatlarına görə, qəzaya səbəb hücum təyyarəsinin mühərrikində nasazlıq olub.