Azərbaycanın qadın karateçisi İrina Zaretska Birləşmiş Ərəb Əmirliklərinin Dubay şəhərindəki dünya çempionatında final görüşünü keçirib.

68 kq çəki dərəcəsində çıxış edən karateçimiz həlledici görüşdə italiyalı Silvia Semeraro ilə qarşılaşıb.

Görüşdən qələbə ilə ayrılan Zaretska karyerasından 2-ci dəfə dünya çempionu adını qazanıb.

Kişilərdən ibarət yığmamızın üzvü Asiman Qurbanlı isə Dünya çempionatının bürünc medalına sahib olub. O, Çilidən olan rəqibinə 5:2 hesabı ilə qalib gəlib.