Alla Puqaçova İsraili tərk etdikdən sonra əlaqəni dayandırıb. Primadonna telefonu götürmür və mesajlara cavab vermir. Azadmedia.az xəbər verir ki, bu barədə kp.ru yazır.

İsraili tərk edəndən sonra bir neçə gün müğənnini heç kim görməyib. Puqaçovanın ətrafındakılar onun 2,5 milyon avro dəyərində villası olan Kiprə köçməsini müzakirə edirlər.

Eyni zamanda, mənbələr divanın uşaqları Liza və Harri ilə birlikdə okean sahilində mənzili olan ABŞ-a uça biləcəyini istisna etmirlər.

“Əlbəttə, Puqaçova və uşaqlar İsraildə deyillər. Amma onların Kiprdə olması barədə də məlumat yoxdur”, - mənbə nəşrə bildirib.

Ola bilsin ki, müğənni sadəcə onun harada olduğunu heç kimin, hətta yaxın dostlarından da bilməsini istəmir.

Oktyabrın 23-də kp.ru yazıb ki, Puqaçova uşaqları ilə birlikdə İsraili tərk edərək Kiprə gedib. Lakin müğənninin direktoru Yelena Çuprakova müğənninin və ailəsinin adaya uçması ilə bağlı şayiələri təkzib edib.