Husi yaraqlı hərəkatının adı açıqlanmayan sözçüsü Ənsar Allah Ədən körfəzində ABŞ Hərbi Hava Qüvvələrinə məxsus iki gəmiyə hücumu təsdiqləyib. Müvafiq məlumatı “Al Masirah” portalı yayıb.

Amerikanın “Sea Champion” və “Navis Fortuna” gəmilərinin hücuma məruz qaldığı bildirilir.

Husilər də hücumları nəticəsində Britaniya gəmisinin batdığını iddia ediblər.

Bundan əvvəl Böyük Britaniya Dəniz Ticarət Əməliyyatları (UKMTO) Dəniz Ticarət Əməliyyatlarının Koordinasiya Mərkəzi Ədən körfəzində Britaniya gəmisinə raket hücumu edildiyini bildirmişdi.

Qəzza zolağında İsrail və HƏMAS arasında müharibənin fonunda, Yəmənin husi üsyançıları 2023-cü ilin oktyabr ayının əvvəlində Qırmızı dənizdə ticarət və hərbi gəmilərə hücum etməyə başladılar. Bu məqsədlər üçün pilotsuz təyyarələr və raketlərdən istifadə olunur.

Husilər deyirlər ki, onlar yalnız İsrail limanlarına üz tutan və ya sahiblərinin İsraillə əlaqəsi olan gəmiləri hədəf alırlar. Lakin onların hərəkətləri beynəlxalq daşımalara mane olmağa başladı.

Bir sıra şirkətlər artıq gəmilərini Ədən körfəzini Qırmızı dənizə birləşdirən və dünya üçün mühüm gəmiçilik marşrutu olan Bab əl-Məndəb boğazından keçirməyəcəklərini açıqlayıb.

2024-cü il yanvarın 12-nə keçən gecə ABŞ və Böyük Britaniya Hollandiya, Kanada, Avstraliya və Bəhreynin dəstəyi ilə Yəməndəki husi hədəflərinə kütləvi zərbələr endirib. ABŞ prezidenti Co Bayden bu addımı Husilərin xarici gəmilərə hücumlarına birbaşa cavab adlandırıb.