Rusiya Federasiyasının İstintaq Komitəsinə “təhlükəli xidmətlər göstərdiklərinə görə” “Krokus Siti Holl”un sahiblərinə qarşı cinayət işinin başlanması üçün ərizə təqdim edilib.

Azadmedia.az xəbər verir ki, bunu “Trunov, Aivar and Partners” hüquq firmasının prezidenti, hüquqşünas İqor Trunov deyib.

Belə ki, ərizə 11 zərərçəkən, eləcə də terror aktı zamanı həlak olanların yaxınları adından təqdim edilib.

Həmçinin açıqlamada “Krokus Siti Holl”un hansı “təhlükəli xidmət” göstərdiyi qeyd edilməyib.