Masallı Peşə Məktəbində Zəfər günü və Bayraq gününə həsr edilmiş tədbir keçirilib.

Azadmedia.az xəbər verir ki, tədbirdə məktəbin direktoru Məhərrəm Fəttayev, peşə məktəbinin pedaqoji kollektivi, Masallı PFK-nın prezidenti Mirələm Həşimov, şəhid ailələri, qazilər və tələbələr iştirak ediblər.

Öncə tədbirdə I və II Qarabağ müharibəsində həlak olmuş Azərbaycan xalqının mərd və cəsur hərbçilərinin xatirəsi 1 dəqiqəlik sükutla yad edilib.

Daha Azərbaycan Respublikasının Dövlət Himni və Marşı səsləndirilib.

Zəfər bayramı ilə bağlı olan tədbiri məktəbin direktoru M.Fəttayev açıq elan edib.

M.Fəttayev çıxışında bildirib ki, “II Qarabağ müharibəsinin hər bir günü bizim üçün şanlı bir tarix, eyni zamanda, əvəzsiz qəhrəmanlıq dastanıdır. 44 gün ərzində döyüşçülərimiz bir addım da geri çəkilmədən yalnız irəlilədi. Biz bu tarixi Zəfəri döyüş meydanında qazandıq. 2020-ci il noyabrın 8-i Azərbaycan tarixində əbədi qalacaqdır. Bu tarix sözsüz ki, əbədi yaşayacaqdır. Bu, bizim şanlı Qələbəmizin, Zəfərimizin günüdür. Bayramımız mübarək olsun!”

Sonra peşə məktəbinin pedaqoji kollektivi çıxış ediblər.

Müəllimlərdən sonra tələbələr Şəhidlərə həsr edilmiş ssenariləri təqdim edib, həmçinin Vətən, Vətənpərvərlik mövzusunda müxtəlif şeirlər səsləndiriblər.