Şimali Atlantika Alyansı mövcudluğunu genişləndirir və hegemonluğunu Avrasiyanın bütün məkanına, eləcə də Asiya-Sakit Okean regionu (APR) ölkələrinə yaymağa çalışır.

Bunu Rusiyanın xarici işlər naziri Sergey Lavrov “Vahid Rusiya” partiyasının Baş Şurasının beynəlxalq əməkdaşlıq üzrə komissiyasının iclasında deyib.

“Son illərdə, xüsusən də Ukraynadakı çevrilişdən sonra NATO tam əksini edir, genişlənir, təkcə qitəmizin qərbində deyil, bütün məkanında dominant rola iddia edir və bunun təhlükəsizlik üçün son dərəcə vacib olduğunu bəyan edir. Nüfuzumuzu Asiya-Sakit okean regionuna yaymaq və orada da qapalı bloklar yaratmaq vacibdir”, - deyə nazir bildirib.

Lavrov Rusiya prezidenti Vladimir Putinin irəli sürdüyü Avrasiya təhlükəsizliyi konsepsiyasının mənasının “regional problemlər – regional həll yolları” prinsipini praktikada tətbiq etmək olduğuna diqqət çəkib.