"20 Yanvar" metro stansiyasının növbətçisi Mətanət Cəbrayılova bildirib ki, metro əməkdaşları hər zaman fövqəladə hallara hazır olmalıdırlar. Onun sözlərinə görə, stansiya əməkdaşları mütəmadi olaraq ilkin tibbi yardım təlimlərindən keçirlər və bu, baş verən son hadisədə öz nəticəsini göstərib:

"Mən və komanda yoldaşlarım hadisə zamanı özümüzü itirmədik. Yardım göstərmək üçün nə etməli olduğumuzu bilirdik və təcili tibbi yardım gələnə qədər qadının yanında olduq. Metro ictimai nəqliyyat vasitəsidir – burada hər an, hər şey baş verə bilər. Əsas odur ki, hazırlıqlı olaq." – deyə Mətanət Cəbrayılova vurğulayıb.