Azərbaycan Maarifçi Xeyrxah Xanımlar İctimai Birliyi “Bakıxanov qəsəbəsində həssas qrupların hüquqi, tibbi, sosial problemlərinin həlli təşəbbüsləri” layihəsi çərçivəsində növbəti tədbiri keçirib.

Azadmedia.az QHT.az- istinadla xəbər verir ki, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə icra olunur və 3 aylıq müddətdə Bakıxanov qəsəbəsində həyata keçirilir. Layihənin məqsədi qəsəbədə yaşayan yaşlı, tənha, xəstə və əlilliyi olan şəxslərin sosial və hüquqi maarifləndirilməsi, tibbi müayinələrinin təşkili, hüquqi problemlərin həllinə dəstək verilməsi, həmçinin onların sosial və mənəvi inkişafına kömək etməkdir.

Layihə çərçivəsində fiziki cəhətdən hərəkət imkanları məhdud şəxslərə evdə tibbi müayinə və müalicə təmin edilir, sosial işçilər vasitəsilə ehtiyaclar ödənilir. Həmçinin əlilliyi olan və tənha şəxslər üçün könüllü olaraq tibbi müayinələr təşkil olunur, hüquqi yardımlar göstərilir. Təlimçi və hüquqşünaslar sosial hüquqlar, qanunvericilik, hüquqların pozulduğu hallarda müraciət yolları barədə iştirakçılara məlumat verirlər.

Layihənin sonuncu tədbiri 26 iyul 2025-ci il tarixində Bakıxanov qəsəbəsi, Mehmandarov küçəsi 34 ünvanında keçirilib. Tədbirdə 20 nəfər iştirak edib. Təlimçi Oktay Qasımov tədbiri aparıb və iştirakçılara sosial hüquqlar haqqında ətraflı məlumat verib, suallarını cavablandırıb.

Tədbir zamanı Həsənov Nəsib, Validə Əhmədova, Zeynəb Maksimova, Daşdəmirova Gülnar və digər iştirakçılar hüquqşünas Leyli Quliyevaya müxtəlif məsələlərlə müraciət edərək məsləhət alıblar. Tədbir zamanı foto və videoçəkilişlər təmin olunub, iştirakçılar üçün çay və şirniyyat süfrəsi təşkil edilib.

Layihə çərçivəsində planlaşdırılan maarifləndirici və hüquqi dəstək tədbirləri gələcəkdə də davam etdiriləcək.

Fotolar