“Mədəni inkişafın təbliği” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyəsi ilə “Qərbi Azərbaycanın tarixinin, ədəbi mühitinin tədqiqi və təbliği” layihəsi çərçivəsində Oğuz rayonu Calut kəndində tədbir keçirdi.

Azadmedia.az QHT.az-a istinadla xəbər verir ki, iki aylıq layihə çərçivəsində Oğuz rayonunda 3 tədbir keçirildi. Birinci tədbir 21 avqustda 2025-ci tarixində Oğuz şəhərində, ikinci tədbir 25 avqust 2025-ci il tarixində Oğuz rayonu Tale Babayev ad. Yaqublu kənd tam orta ümumtəhsil məktəbində, üçüncü tədbir isə Oğuz rayonu Calut kəndində keçirildi.

Qeyd edək ki, Oğuz rayonunun Yaqublu və Calut kəndlərinə (1918-1920-ci, 1948, 1953, 1987-ci illərdə) Qərbi Azərbaycandan olan insanlar deportasiya olunmuşdur.

Tədbir iştirakçıları əvvəlcə şəhidlərin ruhunu bir dəqiqəlik sükutla yad etdilər. Tədbiri layihə rəhbəri Xatirə Fərəcli açaraq, ermənilərin azərbaycanlılara qarşı törətdiyi soyqırımı, etnik təmizləmə və deportasiya siyasətindən bəhs etdi. Çıxış edənlər qeyd etdilər ki, regionlarda keçirilən bu cür tədbirlərin Qərbi Azərbaycan ilə bağlı faktların geniş ictimaiyyətə çatdırılmasında, insanların tarix və milli kimlik barədə məlumatlılığının artırılmasında çox əhəmiyyətlidir.

Hər üç tədbirin həyata keçirilməsində Oğuz rayon İcra Hakimiyyəti təşkilati dəstək göstərmişdir. Tədbirlərdə Oğuz rayon İctimai-siyasi və Hümanitar məsələlər şöbəsinin baş məsləhətçisi Həmidov Cavid, Oğuz Rayon İcra Hakimiyyətində Uşaq Hüquqlarının Müdafiəsi üzrə komissiyanın aparıcı məsləhətçisi Əhməd Ağababayev, Yaqublu İnzibati Ərazi Dairəsi üzrə nümayəndə Bəxtiyar İsmayılov, Yaqublu İnzibati Ərazi Dairəsi üzrə nümayəndənin müavini Mirimdad Ağayev, Oğuz RİHB Calut İnzibati Ərazi Dairəsinin nümayəndəsi Habil Cəfərov və müavini Adil Şükürov, Qərbi Azərbaycan Paşalı rayon icmasının üzvü Samir Abbasov, kəndin ziyalıları Təranə Manafova, İradə xanım, Jalə xanım, Zərrab kənd sakini Abbas Həşimov iştirak edirdi.

AMEA Folklor İnstitutunun Beynəlxalq Əlaqələr şöbəsinin baş mütəxəssisi, politoloq Vəfa Saleh Qərbi Azərbaycan İcmasının həyata keçirdiyi ardıcıl və məqsədyönlü fəaliyyət, həmçinin tarixi faktların obyektiv şəkildə təbliğindən, filoloq Şəbnəm Hüseynova Qərbi Azərbaycanın ədəbi mühiti haqqında, tədqiqatçı Ülviyyə Behbudova Qərbi Azərbaycana qayıdışla bağlı hər kəsin üzərinə düşən mənəvi məsuliyyətdən bəhs edib, Gender məsələləri üzrə mütəxəssis Samirə Şaqavatova Qərbi Azərbaycanla bağlı gerçəklərin geniş ictimaiyyətə çatdırılmasının önəmini vurğulayıb.

Tədbirlər maraqlı, əhəmiyyətli və yaddaqalan olub. “Qərbi Azərbaycanın tarixinin, ədəbi mühitinin tədqiqi və təbliği layihəsi çərçivəsində sonuncu tədbirin Oğuz rayonunun Calut kəndlərində keçirilməsi nəzərdə tutulub.

Göstərdiyi dəstəyə görə başda Oğuz Rayon İcra Hakimiyyətinin başçısı Cavid Əbdulqədirov olmaqla, Oğuz rayon İctimai-siyasi və Hümanitar məsələlər şöbəsinin baş məsləhətçisi Cavid Həmidova, Oğuz Rayon İcra Hakimiyyətində Uşaq Hüquqlarının Müdafiəsi üzrə komissiyanın aparıcı məsləhətçisi Əhməd Ağababayevə təşəkkürümüzü bildiririk.

Fotolar