BQXK Bakıda və Qorisdə fəaliyyətini dayandıracaq. Eyni zamanda, təşkilat Cənubi Qafqazda kifayət qədər fəallıqlarını davam etdirəcəklərini qeyd edib.
Beynəlxalq Qızıl Xaç Komitəsi (BQXK) Azərbaycan və Ermənistandakı ofislərini bağlayacaq. Bu barədə Ermənistan KİV-i BQXK-nın nümayəndəliyinin rəhbəri Dafne Mareyə istinadən yazır.

O vurğulayıb ki, Cənubi Qafqazda gərginlik xeyli azalıb və hazırda onun kəskinləşməsindən əsər-əlamət yoxdur. Bununla əlaqədar BQXK-nın Ermənistanın Qoris şəhərində və Azərbaycanın paytaxtında ofisi öz işini dayandıracaq.

Mare aydınlaşdırıb ki, Ermənistan nümayəndəliyi ilin sonuna qədər, Azərbaycan nümayəndəliyi isə sentyabrın 3-də bağlanacaq.

Ermənistanda gələcək işlərdən danışarkən, o, BQXK-nın ölkəni tərk etməyəcəyini izah etdi.



Bundan əlavə, o, Azərbaycan rəhbərliyi ilə əməkdaşlığı davam etdirəcəklərinə diqqət çəkib. Marenin sözlərinə görə, onunla əlaqə kəsilməyəcək, bununla bağlı müzakirələr davam edir.